Sa i ka trembur tërmeti turistët e huaj? Bashkia e Durrësit publikon shifrat e vizitave në javën e parë të janarit

685 turistë të huaj kanë ardhur për të vizituar Durrësin vetëm në javën e parë të këtij viti. Shifra bëhet publike nga Bashkia e Durrësit.

“Interesimi i turistëve është mjaft i madh pasi Durrësi ka çfarë ofron në çdo periudhë të vitit. Qyteti bregdetar nuk u ofron turistëve vetëm detin dhe rërën, por edhe turizmin kulturor, sitet e shumta dhe të magjishme arkeologjike ku të huajt mësojnë historinë e lashtë të një qyteti që edhe pse është goditur është ringritur sërish e më i fortë.

Ky është një vit mjaft i rëndësishëm për Durrësin, vit i rindërtimit dhe i punës intensive i të gjithëve së bashku që ta kemi përsëri më të bukur se më parë Durrësin tonë të shtrenjtë e të lashtë, me të cilin krenohemi” shkruhet në njoftimin e shpërndarë nga Bashkia Durrës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.