Sa i kushtojnë shtetit ish-të dënuarit – Brezat e rinj do të paguajnë 500 milionë USD, Ahmetaj: Nuk jam dakord!

Brezat që vijnë do të paguajnë më shumë se 500 milionë dollarë për trashëgimtarët e ish-të dënuarve politikë të regjimit komunist.

Ndërkohë që çdo individ do të paguajnë 1.5 deri në 2 miliardë lekë nga taksat e veta për pronarët, në vitet e ardhshme, për të korrigjuar çdo gjë që ka ndodhur nga viti 1945.

Shifrat janë bërë me dije nga Ministri i Financave Arben Ahmetaj në komisionin Parlamentar të Ekonomisë dhe Financave ku u diskutuan ndryshimet në ligjin për ish të dënuarit politik të regjimit komunist. Sipas ndryshimeve, trashëgimtarët parësorë do të shlyhen përfundimisht me këstin e 9-të.

Por ndërsa ligji parashikon që dëmshpërblim të përfitojnë edhe fëmijët e motrave apo vëllezërve të ish-të dënuarit politik, qëndrimi personal i ministrit Ahmetaj është që kjo gjë nuk ka kuptim. Megjithatë ky nen i ligjit nuk është prekur, edhe pse vetë qeveria e ka në dorë.

Komisioni Parlamentar i Ekonomisë dhe Financave ka miratuar projektligjin në fjalë, ku janë rreth 1200 dosje parësore dhe jo parësore që do të përfitojnë nga ky ndryshim ligjor, si dhe hiqet dyshemeja e pagesës së dhënë për përfituesit.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.