Sa kushton një diplomë? – Tarifat për bachelor në ekonomik nga 800 deri në 14 mijë euro në tre vite   

Tarifa për tre vite studimi në degët ekonomi varion nga 800 euro në universitetin e Tiranës deri në 14 mijë euro në universitetet private. Dega ekonomikut është një ndër më të preferuarat nga maturantët të cilët aplikojnë për të ndjekur studimet e larta kjo sipas drejtuesve te Fakultetit Ekonomik në Universitetin e Tiranës vjen si rezultat i rritjes së kërkesës në tregun e punës.

Televizioni SCAN ka nxjerr tarifat vjetore për 13 universitete private që ofrojnë këtë degë në nivelin e parë bachelor. Pagesa që duhet të bëj një student në një vit në universitetet jo publike variojnë nga1400 euro deri në 3510 euro.

Tarifat sipas universiteteve janë:1400 euro është pagesa në universitetin Uisdom, 1500 euro në Albanian University dhe Metropolitan Tirana ndjekur nga  Marin Barleti dhe Akademia Profesionale e Biznesit me 1600 euro në vit.

Ndërsa Universiteti Europian i Tiranës këtë vit akademik ofron një tarifë 30% më të ulët se një vit më parë, 1750 euro ndjekur nga universiteti Mesdhetar i Shqipërisë me 1800 euro.

2000 euro është tarifa vjetore për degën ekonomik në universitetin LUARASI dhe në institutin Kanadez të Teknologjisë, ndërsa 2500 euro në universitetin EPOKA dhe në universitetin e biznesit të Tiranës.

Tarifa vjetore që i duhet të paguaj një student në universitetin Zoja e Këshillit të Mirë  është 2260 euro dhe në Universitetin New York Tirana tarifa vjetore është 3510 euro.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.