Sa më pak të punësuar, aq më shumë importe dhe eksporte?! INSTAT: Tregtia e jashtme sipas madhësisë së ndërmarrjeve!

65 % e ndërmarrjeve importuese në Shqipëri kanë 1 deri në 9 të punësuar! Me po këtë numër punëtorësh, janë edhe 43 % e ndërmarrjeve eksportuese.

Edhe pse me numrin më të ulët të të punësuarve, janë ato që merren më së shumti si me importin, ashtu dhe me eksportin.

Nga ana tjetër, sipas raportit të fundit të publikuar nga INSTAT për vitin 2018, kompanitë me numrin më të lartë të të punësuarve, kanë lidhjen më të ‘dobët’ me tregtinë e jashtme.

Këto ndërmarrje, me 250 apo më shumë punëtorë, ‘kontribuojnë’ në import me vetëm 2% dhe në eksport, me 4 %

Instat tregon se nga kompanitë me 10 deri në 49 të punësuar, 25 % e tyre merren me import, ndërsa 36 % e tyre me eksport.

Nga ana tjetër, nga kompanitë me 50-249 të punësuar, 17 % janë eksportuese, ndërsa 8 % merren me import.

Numri i ndërmarrjeve eksportuese në total për  vitin 2018  është 3.039, duke u rritur me 2,6 %, krahasuar me vitin 2017.

Si  ndërmarrje importuese, janë numëruar 11.306 në 2018, duke ndjerë një rritje me 5.6 %, krahasuar me vitin paraardhës.

Jenida Vladi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.