Sa para kanë të rinjtë e Amerikës në fondet e tyre të emergjencës?
Ekspertët në përgjithësi i inkurajojnë të gjithë të mbajnë një fond për shpenzimet e tre deri në gjashtë muajve për të përballuar një aksident, krizë apo thjesht dhe për të bërë disa pushime.
Për fat të keq shumica e amerikanëve nuk janë në gjendje të përmbushin këtë qëllim. Shumica e tyre kanë arritur të ruajnë vetëm 1000 $ dhe gjysma e të gjithë punëtorëve në Shtetet e Bashkuara të Amerikës nuk kanë lënë asgjë mënjanë për kur të dalin në pension.
Të dhënat e reja nga Bankrate tregojnë se të gjithë të rinjtë po ja dalin më mirë se sa mund të prisnit. Megjithatë 25 për qind e tyre nuk kanë arritur të ruajnë asgjë e cila është pothuajse e njëjtë me përqindjen e “boomers” që nuk e kanë siguruar veten.
72 për qind e të rinjve kanë të paktën diçka të hequr në krahasim me 63 për qind të “baby boomers” dhe kjo kategori ka pasur shumë më tepër kohë për të kursyer diçka.
Në përgjithësi, amerikanët po punojnë për të përmirësuar financat e tyre. Shumica e amerikanëve tashmë kanë kursime emergjente, gjë e cila është një zhvillim pozitiv.
Tridhjetë e një për qind kanë mjaftueshëm për të mbuluar gjashtë muaj shpenzimet e jetesës nga 22 për qind që ishte në vitin 2015 dhe 28 për qind që ishte vitin e shkuar.
Bankrate gjithashtu raporton se “Indeksi i Sigurisë financiare vetë ka arritur një nivel të lartë të të gjitha kohërave në 106.7 nga 108.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.