Sa rrush nevojitet për të prodhuar një shishe verë? – Pse gati të gjitha shishet kanë një kapacitet prej 75 cl?!
Për të llogaritur se sa rrush ju nevojitet për të marrë një shishe verë, së pari duhet të ktheheni se pse shishet pothuajse të gjitha kanë një kapacitet prej 75 cl …
Një shishe verë 0.75 litra (madhësia më e zakonshme) kërkon mesatarisht 1.2 kg rrush. Ka teori të ndryshme pse përdoret kjo madhësi shishe. E para është fizike: duket se gjithçka varej nga forca e mushkërive të xhamaxhinjve të lashtë, të cilët mesatarisht, me një frymë të vetme, ishin në gjendje të krijonin shishe të këtij kapaciteti.
E dyta rrjedh nga tregtia: në fakt, britanikët, të cilët ende matin vëllimin me galonë edhe sot, në lidhje me çështjet e taksave të portit dhe kostot e transportit, konsideruan se një kasë vere mund të përmbante një maksimum prej 2 galonësh, dhe secila kasë mund të mbante 12 shishe. 1 galon është e barabartë me 4.5 litra, 2 galonë 9 litra, e ndarë në 12 shishe 0.75 litra secila.
Sipas një teorie tjetër, megjithatë, kjo njësi e veçantë e matjes përdoret sepse një shishe 0.75 cl përmban saktësisht 6 gota prej 125 ml të përdorura në taverna. Në këtë mënyrë mikpritësit ose pronarët e tavernave e lokaleve mund të llogaritnin më lehtë se sa shishe do t’u shërbenin klientëve bazuar në numrin e tyre. Zgjedhja e qelqit daton në shekullin e tetëmbëdhjetë, kur filloi të kuptohej rëndësia për shijen e ruajtjes së verës në këtë material. (Focus)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.