Sa shpenzojmë për blerjen e energjisë? – Në 2020-ën u pagua 118 milion euro, në 2017-ën u ndryshua buxheti për përballimin

Shpenzimet për blerje energjie, me qëllim plotësimin e nevojave konsumatore nga ana  e Operatorit të Shpërndarjes së Energjisë Elektrike kanë qenë prezente çdo vit, duke qenë se prodhimi vendas nuk arrin të plotësojë të gjitha nevojat për konsum. Sipas të dhënave zyrtare, për vitin 2020 u shpenzua në total rreth 118 mln euro nga Furnizuesi i Tregut të Lirë, që është një prej kompanive të krijuara nga ndarja e OSHEE-së. Ndërkohë që,  ndonëse prodhimi i energjisë shënoi një rënie të ndjeshme, çmimet e favorshme me të cilët u sigurua energjia nuk rënduan më tej buxhetin e FTL-së.

Ndërkaq, rezultatet e vitit 2019 nuk arritën treguesit e performances se planifikuar duke rezultuar me një humbje prej 4.17 miliard lekë, si rezultat i rritjes së shpenzimeve të blerjes së energjisë, e cila u ndikua nga ndryshimi i strukturës se blerjes, duke qenë se sasia e furnizuar nga burimet hidrike vendase ne vitin 2019 ishte sa 80.15% e sasisë së planifikuar. Gjatë 2019 shpenzimet per blerje dhe transmetim energjie rezultuan 40 % ose 12 miliard Lekë me të larta se ato te planifikuara në fillim të vitit. Ndërkaq, rezultatet e vitit 2018 megjithëse pozitive nuk arritën treguesit e performances se planifikuar në fillim të periudhës si rezultat i rritjes se shpenzimeve të blerjes se energjise, e cila u ndikua nga ndryshimi i strukturës së blerjes dhe rritja e cmimit te blerjes Se energjisë elektrike në tregun e lire.

Sasia e prodhuar nga burimet hidrike vendase në vitin 2018 ishte me e madhja e prodhuar ndonjëherë, por kjo rritje u evidentua kryesisht ne 6 – mujorin e I-re i ciii ishte shumë i lagesht, ndërsa tremujori i II-te u karakterizua nga thatesire e madhe e cila rriti tej planifikimit importin e energjise ne kete pjesë të vitit. Ndërkohë, 2017 u konsiderua një vit krize si pasojë e thatësirës së tejzgjatur. Për pasojë, qevria në atë kohë përmes një Akti Normativ të muajit gusht bëri ndryshime në buxhetin e shtetit, duke alokuar para shtesë për të garantuar blerjen e energjisë.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.