Salvini humbet votën kryesore rajonale – Vota shkon në favor të kryeministrit Conte
Drejtuesi i Ligës së krahut të djathtë të Italisë, Matteo Salvini, nuk arriti të rrëzojë dekadat e sundimit të majtë në rajonin verior të Emilia-Romagna të Dielën, në zgjedhjet e realizuar çka solli një lehtësim për qeverinë dhe për qendrën e majtë.
Salvini kishte filluar fushatën e tij në këtë rajon që në fillim të këtij viti, duke kërkuar një fitore tronditëse me anë të së cilës shpresonte se do të rrëzonte qeverinë e koalicionit kombëtar, i cili përfshin PD dhe është i përçarë nga grindjet e brendshme.
“Mazhoranca qeverisëse del më e fortë”, tha drejtuesi i PD, Nicola Zingaretti, duke shtuar se Salvini kishte dështuar në përpjekjen e tij për të “shuar qeverinë”.
Me 99% të votave të numëruara, guvernatori aktual i Partisë Demokratike (PD) Stefano Bonaccini fitoi 51.4% të votave në krahasim me 43.7% për kandidatin e Ligës.
Sondazhet e opinioneve kishin treguar një garë shumë të ngushtë mes dy kandidatëve, dhe humbja me gati tetë pikë ishte një përmbysje e qartë dhe e rrallë për Salvini, i cili kishte premtuar t’i shërbente qeverisë me një “dëbim” nëse ai fitonte.
Obligacionet e qeverisë italiane u sistemuan këtë të hënë, me rënien e yeild-eve në shifrën më të ulët në pothuajse tre muaj, ndërkohë që tregjet e shohin këtë rezultat si pozitiv për stabilitetin e qeverisë 5-mujore tashmë.
Nuk kishte asnjë detyrim që qeveria të jepte dorëheqjen, nëse Salvini fitonte, por pas tetë fitoreve radhazi në zgjedhjet rajonale, një tjetër triumf në Emilia-Romagna do ta vinte koalicionin e përçare qeverisës nën presion të madh.
“Unë nuk ndjehem i mundur, ju mund të fitoni dhe mund të humbni, por nëse humbas do të jem i lumtur sidoqoftë dhe do të punoj dy herë më shumë”, tha Salvini vonë të Dielën para rezultateve finale.
Mesazhi anti-emigrant, anti-europian i Salvinit karakterizoi më së shumti fushatën e tij elektorale, ashtu si dhe premtimi i tij për të ulur taksat.
Por Bonaccini dispononte një nga vlerësimet më të larta të miratimit të çdo shefi rajonal italian dhe strategjia e tij për t’u përqendruar ekskluzivisht në çështjet kryesore lokale rezultoi e suksesshme. (Reuters)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.