Salvini i Italisë refuzon ofertën me vlerë 15 milionë euro, për partneritetin e Arabisë Saudite me ‘La Scala’

Zëvendëskryeministri i Italisë, Matteo Salvini,  ka refuzuar ofertën e Arabisë Saudite, për të dhënë fonde për operën e ‘La Scala’, në Milano. Ministria e Kulturës Saudite ka ofruar një marrëveshje partneriteti pesëvjeçar me ‘La Scala’ në vlerë 15 milionë euro (17 milionë dollarë).

Propozimi ka nisur një grindje të furishme, me grupet e të drejtave të njeriut dhe disa politikanë duke argumentuar se një nga institucionet kulturore më prestigjioze të Italisë, duhet të shmangë paratë nga Arabia Saudite, një mbretëri muslimane thellësisht konservatore e akuzuar për abuzime të përsëritura të të drejtave. Salvini u tha gazetarëve se ai nuk donte që partneriteti të shkonte përpara.

“Unë do të preferoja që disa njerëz të mos jenë atje dhe që La Scala të jetë e lirë, e pavarur dhe autonome,” tha ai. “Nëse zviceranët duan të investojnë në La Scala, nuk do të kemi asnjë problem.”- thekson Matteo Salvini.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.