Salvini kërcënon kryeministrin italian me zgjedhje të parakohshme
Matteo Salvini priti të merrte po-në përfundimtare të dekretit të sigurimit bis dhe shkëputjen me 5 Yjet mbi çështjen e Tav (trenat me shpejtësi të lartë), përpara se të niste ‘vallet’. Kriza e qeverisë Conte është një fakt që njihet tashmë dhe është pikërisht kjo ajo që lideri i Lidhjes konfirmoi përpara kryeministrit gjatë takimit që u zhvillua në Palazzo Chigi të Mërkurën në mbrëmje.
Së shpejti do të merret vesh nëse do të ketë një rikthim në votime (data që qarkullon është ajo e 13 ose 20 tetorit) ose me formimin e një qeverie të re, me të njëjtën mazhorancë të verdhë-jeshilëve dhe mbase të udhëhequr edhe nga vetë kryeministri (në thelb një Conte bis). Ajo çka është e sigurt është se Salvini është e vendosur të kapitalizojë në një mënyrë ose tjetrën konsensusin zgjedhor të marrë në nivelin evropian. Dhe mund ta bëjë këtë vetëm tani, pasi në shtator do të ishte tepër vonë.
Sepse duhet marrë edhe përgjegjësia për të hedhur në erë ligjin e Buxhetit duke e detyruar kështu vendin të kalojë një situatë tranzitore. Pikërisht sepse në shtator Dhoma është në fazën e fundit të reformës kushtetuese që shkurton numrin e parlamentarëve që do të zgjasin pashmangshëm kohën për mbylljen e mundshme të parakohshme të legjislaturës. (Ilsole24ore)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.