Salvini prezanton planin e sulmit nga bregdeti ndërkohë që qeveria italiane mbetet në kaos
Ndërsa Italia po përballet me perspektivën e zgjedhjeve të parakohshme këtë vjeshtë, Zëvendës Kryeministri Matteo Salvini po harton rrugën që do të ndjekë nëse partia e tij anti-emigrantë e Ligës merr kontrollin.
Drejtuesit e parlamentit do të takohen të hënën për të vendosur se kur Kryeministri Giuseppe Conte do të duhet të përballet me një votë besimi që do të përcaktojë kornizën kohore për zgjedhje kombëtare. Partia e Salvinit ka krijuar një udhëheqje komanduese në sondazhet e opinionit, por partneri i tij i koalicionit, Lëvizja e 5 Yjeve, është në bisedime me grupet e opozitës për të bllokuar shtytjen e tij për zgjedhje.
“Ne jemi të gatshëm të hartojmë buxhetin,” tha Salvini në një intervistë të 11 gushtit për Bloomberg. “Sa më parë të votojmë, aq më herët mund të fillojmë me buxhetin, për të cilin tashmë kemi një plan të qartë në mendje.”
Qeveria e Italisë është në një gjendje trazirash pasi Salvini tërhoqi mbështetjen e tij nga koalicioni qeverisës. Të dy grupet luftuan pa pushim pasi fituan pushtetin në Romë më shumë se një vit më parë, dhe Salvini ka kërkuar një votim në parlament menjëherë këtë javë. (Bloomberg)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.