Sami Curri, në ‘Argument’ :” Ndaj rrjetit të ujit në Bulqizë, nuk është marrë asnjë masë mirëmbajtje dhe pse është ndërtuar që në vitin 1985”

Ngjarja e cila mori vëmendjen e mediave, ditët e fundit, ishte helmimi masiv i një numri të konsiderueshëm individësh në Bulqizë. Kjo temë ishte në fokus, të hënën në mbrëmje, në ‘Argument’ ku pjesë e panelit ishte dhe gazetari Sami Curri, i cili ka ndjekur ngjarjen e Bulqizës nga afër. Ai ka deklaruar se numri i të helmuarve në Bulqizë ka shkuar rreth 105. Të gjithë këta individë janë shtruar në spital me simptoma helmimi, ku dyshohet se shkak është uji i pijshëm, por ende priten rezultatet e analizave.

‘’Siguria dhe vëmendja që u jepen produkteve ushqimore është më e lartë sesa ajo kundrejt ujit. Sidomos në rastin e rrjetit të ujit në Bulqizë, ndaj të cilit nuk është marrë asnjë masë mirëmbajtje, dhe pse është ndërtuar që në vitin 1985. Kjo neglizhencë ndaj këtij fenomeni ka sjellë problematika në ujin e pijshëm dhe situata do jetë akoma dhe më e rëndë pasi disa zona janë ende me depozita të ndryshkura dhe ndërrmarrja e ujësjellësit nuk i ka nën administrim.’’

Gazetari Curri, thekson se rasti i helmimit në Bulqizë, është një rast i përsëritur dhe në vitin 2017.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.