Samiti i 11 i BRICS – Pesë vendet më të mëdha në zhvillim, kundër proteksionizmit
Samiti i 11 i BRICS që po zhvillohet në Brazil, ka për objektiv mbështetjen e multilateralizmit dhe formimin e partneriteteve, sipas zyrtarëve nga vendet anëtare të grupit. BRICS përbëhet nga 5 ekonomi të mëdha në zhvillim; Brazili, Rusia, India, Kina dhe Afrika e Jugut.
Samiti i këtij viti ka nisur të Mërkurën në kryeqytetin e Brazilit. Në pesë vitet e fundit, vendet anëtare të BRICS kanë zhvilluar disa mekanizma për bashkëpunim politik, tregtar dhe të investimeve.
Këtë vit, liderët do të diskutojnë projekte të reja dhe do flasin për sfidat e përkohshme që përballet grupi. Pedro Sloboda, sekretari i BRICS te ministria brazilane e punëve të jashtme, tha se samiti do mbrojë multilateralizmin përballë rritjes së proteksionizmit në të gjithë botën.
Së bashku, vendet anëtare të BRICS përbëjnë 42% të popullsisë botërore, 23% të Produktit të Brendshëm Bruto, 30% të territorit botëror dhe 18% të tregtisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.