Samiti i NATO-s – Rama: Shqipëria është vlerësuar pozitivisht
I pranishëm në samitin e NATO-s është edhe kryeministri, Edi Rama. Pavarësisht tensionit mes liderëve të ekonomive më të mëdha të aleancës, Rama shprehet nëpërmjet një postimi në Facebook, se, “Shqipëria vlerësohet shumë pozitivisht për kontributin e saj në programin e Aleancës; rritjen e buxhetit të mbrojtjes; pjesëmarrjen me 13% të trupave të veta në frontet e përbashkëta; qasjen aktive kundër terrorizmit dhe ekstremizmit të dhunshëm”.
Ndërkohë, pas përfundimit të bisedimeve të ditës së parë të samitit, Sekretari i Përgjithshëm i NATO-S, Jens Stoltenberg tha se “dera e NATO-s është dhe do të mbetet e hapur. Muajin e kaluar mirëpritëm paktin historik mes Athinës dhe Shkupit, ndërsa sot ramë dakord që të ftojmë qeverinë e Shkupit të nisë bisedimet për anëtarësim”.
Pasi të gjitha procedurat kombëtare të jenë përfunduar, për të finalizuar marrëveshjen për emrin, ky vend do t’i bashkohet NATO-s si anëtari i 30.
Lidion Kulla/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.