Samiti i radhës i investimeve në Ballkan – Rama dhe 5 kryeministrat, të hënën në Londër
Banka Europiane për Rindërtim dhe Zhvillim do të mirëpresë kryeministrat e gjashtë vendeve të Ballkanit Perëndimor në një konferencë biznesi në zyrat qendrore të bankës në Londër.
Takimi që do të zhvillohet ditën e hënë përbën kështu Samitin e tretë të Investimeve në rajon.
Krahas kryeministrave Rama, Zvidzdic, Zaev, Haradinaj, Markovic dhe Bernabic, në takim do të marrin pjesë edhe Presidenti i BERZH, Suma Chakrabarti dhe kryeministri i Bullgarisë, Boyka Borissov, vendi i të cilit mban presidencën e BE.
Gjatë fjalimit të tij, kreu i BERZH pritet të forcojë përkushtimin ndaj rajonit dhe do t’i bëjë ftesë investitorëve nga e gjithë bota për të ndihmuar në arritjen e potencialit që ka Ballkani Perëndimor.
Pas fjalëve hyrëse, gjashtë kryeministrat do të marrin pjesë në një diskutim në panel. Gjatë pasdites, konferenca do të ndahet në tre sesione, ku do të diskutohen temat “Ndërlidhja e transportit rajonal”, “Modeli Rajonal i Energjisë së Qëndrueshme” dhe “Agjenda e Butë e Ndërlidhjes për Ballkanin Perëndimor”.
Në sesionet e mësipërme do të marrin pjesë përfaqësues të bizneseve, si edhe përfaqësues të Bashkimit Europian.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.