Samsung Galaxy Note 8 pritet të dalë në treg në Gusht
Samsung Galaxy Note 8 pritet të dalë në treg në Gusht të këtij viti.
Sipas të dhënave nga Samsung Electronics, The Bell thotë se telefoni i ri mund të debutojë nga mesi i muajit Gusht e cila përkon me të njëjtën periudhë kur u prezantua Galaxy Note 7 vitin e kaluar.
Ky i fundit u tërhoq nga tregu si rezultat i problemeve me bateritë çka nxiti spekulime se Samsung mund të lançonte Galaxy S8-ën përpara kohe.
Sipas “The Bell” përshpejtimi i debutimit të Galaxy Note 8-ës bëhet me qëllim që të shmanget përplasja me iPhone 8. Padyshim Samsung do të kërkojë mënyra të reja për ti larguar sadopak shkëlqimin telefonit të Apple.
Galaxy Note 8 pritet që të ketë ekran mes 6.3 deri në 6.4 inç të lakuar, procesor Snapdragon 836, kamera të dyfishtë 13 megapixel. Ekrani i telefonit pritet të ketë të njëjtin raport me përmasat e tij që kanë Galaxy S8 dhe S8 Plus.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.