Samsung prezanton tabletin më të hollë, vetëm 5.1 mm

Tab S5e, është tableti më i hollë prodhuar ndonjëherë. Prodhuesi i tij, Samsung thotë se ky tablet ka një trashësi vetëm prej 5.1 milimetër dhe peshon vetëm 400 gramë.

Tableti vjen me Android 9 Pie dhe ka ekran 10-inç me rezolucion 2560×1600. Gjithashtu është i pari me asistentin virtual Bixby 2.0.

Samsung me të solli edhe një funksion interesant: Call & Message Continuity me të cilin përdoruesit mund të marrin telefonatat dhe SMS në tablet.

Ekrani AMOLED shoqërohet nga katër altoparlantë AKG. Për 400 dollarë tableti ka shumë për të ofruar, shkuarn pcëorld.al.

Megjithatë nuk i përket rangut të Tab S4 i cili kushton 650 dollarë. Së pari Tab S4 ka procesor Snapdragon 835 ndërsa Tab S5e Snapdragon 670 i cili është më pak i fuqishëm.

E thënë më thjeshtë, Tab S4 mund të përballojë deri në 10 procese njëherazi ndërsa Tab S5e vetëm 2.

Një tjetër disavantazh është mungesa e lapsit S Pen. Samsung premton 14.5 orë jetëgjatësi baterie. Përdoruesit mund të zgjedhin mes modelit LTE ose Wi-Fi.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.