Samsung prezanton televizorin e ri me rezolucion 8K: tërësisht prej ekrani dhe teknologji e avancuar

Samsung është duke zbuluar një mori televizorësh të rinj në CES 2020, duke përfshirë një model të ri që sjell një risi në teknologjinë e botës së TV: është pothuajse i gjithi ekran.

TV 8K, i quajtur Q950, ka një raport ekrani me trupin pothuajse 99%, që do të thotë se pjesa e përparme e TV është pothuajse tërësisht ekran, me përjashtim të një “mjekër” të hollë përgjatë pjesës së poshtme. Samsung thotë se ka raportin më të madh ekran-për trup në treg.

Përtej të qenit gati totalisht ekran, televizori është i trashë vetëm 15 milimetra.

TV duket se është rezultat i një çipi të ri që Samsung njoftoi në Janar 2019. Çipi është në gjendje të japë rezolutë 8K pa nevojën e komponentëve shtesë, duke lejuar dizajne të reja televizive.

Të gjithë televizorët 2020 8K të Samsung do të pajisen gjithashtu me disa funksionalitete të caktuara, duke përfshirë një “shërbëtor dixhital” që do të kontrollojë pajisjet shtëpiake, një veçori të integruar për ndjekjen e shëndetit dhe opsionin për të përdorur ndihmësin e zërit Bixby të Samsung për të vendosur ekrane me humor ose kontrollin e TV . Plus, Samsung po shton shumë pamje në TV-të e reja, që do të thotë se mund të ndani ekranin e telefonit tuaj në TV së bashku me çfarëdo që shikoni, qoftë në modalitetin krah për krah ose në pamje-foto – Samsung thotë se janë 14 konfigurime të ndryshme të mundshme.

Geri Kolgega /SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.