Sanksionet ndaj Koresë së Veriut, ekspertët: Nuk e dëmtojnë regjimin, vetëm njerëzit e thjeshtë
Sanksionet e fundit të Kombeve të Bashkuara ndaj Koresë së Veriut me shumë gjasa do të dëmtojnë më shumë njerëzit e thjeshtë në shtetin e izoluar, se sa do të ngadalësojnë përpjekjet e Kim Jong-Un për të ndërtuar raketa në gjendje të godasin Shtetet e Bashkuara.
Vendimi i Këshillit të Sigurisë parashikon të ulë importet e naftës me 90%, si edhe të kufizojë dërgesat me anije dhe të caktojë një ekpatriat 24-muajsh për punëtorët nga Korea e Veriut, duke i kthyer në shtëpi.
“Impakti më i madh nga shkurtimi i madh në produkte nafte do të jetë në sektorët jothelbësorë për mbijetesën e regjimit. Kjo do të thotë se pasojat më të mëdha do të bien rëndë mbi korano veriorët e thjeshtë”, thotë Paul Musgrave, profesor pranë Universitetit të Massachusetts në Amherst.
Teksa regjimi në Pyongyang me shumë gjasa do të mbajë rezervat e naftës për vete, popullsia e përgjithshme do të stërmundohet në një ekonomi shumë të brishtë. Sanksionet mund të krijojnë edhe më indinjatë në vend kundër administratës Trump, shprehet një ish roje kufiri e Koresë së Veriut, i cili dezertoi në vitin 2013.
“Shkurtimi i rezervave të naftës vetëm sa do t’i inatosë koreano-veriorët me SHBA për shkak se tani do të duhet të punojnë me dorë në ferma, ndërsa zyrtarët do të vazhdojnë të ngasin makina duke përdorur naftë kontrabandë”, thotë Hong.
Sa i takon kontrabandës, rezoluta e OKB sqaron se Korea e Veriut mund të përdorë metoda të ndryshme për furnizimin me naftë, si transferimi i saj nga anija në anije. Kjo metodë përdoret në industrinë e naftës për të zhvendosur lëndën nga depozita e një anijeje në anijen tjetër, duke evituar në këtë mënyrë infrastrukturën tokësore.
Për të ndalur këtë praktikë, masat e OKB shprehen se vendet mund të inspektojnë dhe sekuestrojnë të gjitha mjetet lundruese në portet e tyre, nëse ka arsye për të besuar se anija po përdoret për të transportuar lëndë të ndaluara.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.