Sanofi, 400 milionë euro në R&D / Do të krijojë një fabrikë për vaksina me lajmëtarë të ARN

Sanofi do investojë rreth 400 milionë euro në hulumtim dhe zhvillim për gjeneratën e re të vaksinave që përdorin teknologjinë e lajmëtarit të ARN, që ka vërtetuar efikasitetin tek injeksionet e Pfizer dhe Moderna.  Gjiganti francez i barnave  dhe homologu britanik, GlaxoSmithKline, zhgënjyen investitorët dhe konsumatorët në fund të vitit të kaluar, kur lajmëruan një vonesë 1 vjeçare për të prezantuar vaksinën e tyre,  të bazuar në teknologji më tradicionale.  Sanofi ka premtuar që prej atëherë se do ndihmojë Pfizer dhe Moderna të prodhojnë vaksinat e tyre të Covid, në mënyrë që të respektohet kërkesa gjigante për dozat e tyre.  Sanofi deklaroi këtë javë se njësia e teknologjisë së re (mARN) do të bashkojë  400 punonjës dhe pritet të prodhojë një minimum prej 6 kandidatësh klinik deri në vitin 2025.  “Gjatë pandemisë Covid-19, teknologjia e lajmëtarit të ARN vërtetoi se ka potencial për të zhvilluar vaksina të reja më të shpejta se kurrë më parë”- tha Jean-Francois Toussaint, kreu i R&D tek Sanofi Pasteur.   Ai shtoi se fusha të tjera të inovacionit si termostabiliteti dhe toleranca, do të jenë kritike për të bërë aplikimin e këtyre vaksinave në injeksionet rutinë kundër shumë sëmundjeve infektive, në të gjithë grup moshat.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.