“Sanofi” blen “Translate Bio” 3.2 miliard USD – Gjiganti francez kërkon të zgjerojë ekspertizën tek vaksinat me mARN
Sanofi ka rënë dakrod të blejë kompaninë e bioteknologjisë në SHBA, Translate Bio për 3.2 miliardë dollarë, ndërkohë që mban shpresat tek teknologjia e lajmëtarit të ARN, pasi mbeti mbrapa në garën e vaksinave të Covid. Sanfoi deklaroi se do të blejë të gjithë aksionet në qarkullim të TranslateBio për 38 dollarë secila në para cash’, ç’ka përfaqëson një vlerë totale prej 3.2 miliardë dollarë për kompaninë. Bordet drejtuese të të dy firmave miratuan marrëveshjen dhe ekzekutivi i Translate Bio, si dhe aksioneri më i madh i kompanisë, kanë mbështetur ofertën.
“TranslateBio do të shtojë një platformë të teknologjisë së lajmëtarit të ARN dhe kapacitete të forta tek hulumitmet tona, duke përmirësuar më tej aftësinë për të eksploruar këtë teknologji për të zhvilluar terapitë dhe vaksinat më të mira në treg”- tha ekzkeutivi i firmës franceze, Paul Hudson. Aksionet e Translate Bio u rritën në nisje të javës dhe oferta e Sanofi prej 38 dollarë, përfaqson një prim prej 30.4% në çmimin e mbylljes në tregtinë mëparshme të Translate Bio prej 29.15 dollarë.
Oferta e Sanofi vë në dukje interesin e kompanive të mëdha të farmaceutikës tek teknologjia, pas suksesit që pati në vaksinat e zhvilluara nga Pfizer dhe Moderna për Covid. Kjo teknologji, udhëzon qelizat njerëzore të prodhojnë proteina të veçanta që prodhojnë një reagim imunitar ndaj një sëmundjeje të caktuar. Sanofi dhe firma amerikane po përpiqen të zhvillojnë vaksina me lajmëtar të ARN për disa sëmundje infektive dhe në Qershor nisën një provë të fazës së parë për të vlerësuar një vaksinë me këtë teknologji për gripin stinor.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.