Sanofi dhe GSK, më pranë vaksinës së COVID-19. Kompanitë synojnë miratimin e saj në gjysmën e parë të vitit 2021
Prodhuesi francez i barnave, Sanofi, deklaroi se pret të marrë miratim në gjysmën e parë të vitit të ardhshëm, për vaksinën e mundshme të Covid-19 që po zhvillon me GlaxoSmithKline. Sanofi dhe GSK kanë thënë në muajin Prill se vaksina, nëse rezulton e suksesshme, do të jetë e disponueshme në gjysmën e dytë të vitit 2021. Aktualisht nuk ka një vaksinë për të parandaluar koronavirusin që ka infektuar mbi 9 milionë njerëz dhe ka vrarë mbi 469,000 në të gjithë botën.
Shumë kompani të barnave po garojnë për të zhvilluar një vaksinë të sigurtë dhe efektive, që të mund të prodhohet në masë. Moderna, Universiteti i Oksfordit në bashkëpunim me AstraZeneca dhe një aleancë e BioNTech dhe Pfizer, kanë arritur në prova njerëzore që në muajin Mars. Shefi ekzekutiv i Sanofi, Paul Hudson, tha se të parët në garë nuk janë të siguritë për fitoren. “Ka kompani që po ecin më shpejtë, por të jem i qartë, shpejtësua ka 3 anë negative. Ata po përdorin punë ekzistuese, shumica e bërë për SARS, nuk pritet të jetë aq efikase dhe nuk ka garanci të furnizimit në volume të mëdha”, tha Hudson. Ai shtoi se probabiliteti i suksesit për Sanofi është më i larti.
Sanofi, që ka një reputacion të vjetër në ilaçet për gripin, po punon me 2 projekte të vaksinës. Njëri përdor substanca ndihmëse nga GKS për të nxitur efektshmërinë, ndërsa tjetri varet tek një teknologji e njohur si “messenger” ARN, e ngjashme me qasjen e Moderna.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.