Scheuer: Duhet të ofrohen “stimuj” për të zëvendësuar modelet e vjetra të makinave me naftë
Ministri i Transportit i Gjermanisë është në bisedime me prodhuesit e makinave për të vendosur sesa para duhet t’u ofrojnë konsumatorëve për të shkëmbyer modelet e vjetra të naftës me modele të reja. Andreas Scheuer tha se prodhuesit gjermanë duhet t’u ofrojnë “nxitje” pronarëve të makinave të vjetra me naftë që t’i zëvendësojnë, por shtoi se nuk do të ofrohen para nga shteti.
“Qeveria nuk merret me tregti makinash” -tha ai “Po ashtu, modifikimet e modeleve të vjetra duhet të lejohen vetëm kur janë brenda rregullave teknike dhe ekonomike”
Së fundmi është njoftuar se pothuaj 1.3 milionë makina të vjetra me naftë do të ndalohen së shpejti në disa qytete. Sipas Scheuer, 3.1 milionë makina me naftë me standardin Euro-4 dhe 3,5 milion makina me naftë Euro-5 nuk mund të modifikohen, duke shtuar se për modele të tjera modifikimi do të kushtojë të paktën 3.000 euro secili.
Ministri është ngarkuar nga kancelarja Angela Merkel që të gjejë një zgjidhje për ti bërë makinat e vjetra të naftës më të pastra dhe të shmangë ndalimet në shkallë të gjerë të këtyre makinave ,($1 = 0.8600 euro).
e.t/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.