Së shpejti pritet të dalë në treg tableta Android me markën Blackberry
Ndërkohë që Blackberry po përpiqet të ringrihet si një kompani softueri, kjo nuk e ka penguar kompaninë të vendosë emrin e saj në disa nga telefonat Android të prodhuar nga të tjerët si modelet DTEK50, DTEK60 dhe KEYOne.
Në një deklaratë, shefi ekzekutiv John Chen la të kuptohej se emri i kompanisë do të jetë pjesë edhe e një tableti Android.
Gjatë publikimit të raportit financiar të fundit për 2016-ën, ai u shpreh se duhet të lëviznin drejt fazës tjetër të licencimit të emrit që tregon se së shpejti BlackBerry do të ketë një tablet.
Chen nuk dha detaje se kush do të jetë prodhuesi i tabletit por aktualisht dimë se kompania ka marrëveshje me TCL Communications, BB Merah Putih dhe Optimus për prodhimin e pajisjeve me emrin e BlackBerry.
Nëse ky synim bëhet realitet, nuk do të ishte hera e parë që shohim tablet BlackBerry. Në 2011-ën kompania publikoi BlackBerry PlayBook, një tablet me 7 inç në sistemin operativ të kompanisë, por pavarësisht reklamimit që iu bë pati shitje të dobëta.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.