Seanca e së enjtes/Interpelancë me ministren e Drejtësisë e mocion për rezolutën e ndryshimit të qendrimit të Shqipërisë në OKB për Jeruzalemin

Seanca plenare e radhës pritet të jetë një seancë intensive diskutimesh. Në rendin e ditës për seancën e së enjtes është parashikuar të zhvillohet interpelanca me Ministren e Drejtësisë, kërkuar nga kreu i grupit parlamentar të PD-së Edmond Spaho dhe ai i LSI-së Petrit Vasili.

Po ashtu, një pikë tjetër e rendit të ditës është ajo e mocionit për debat mbi qendrimin që Shqipëria ka mbajtur në Organizatën e Lidhjes së Kombeve për statusin e Jeruzalemit. Në këtë rast, do të shtrohet edhe një projektrezolutë për ndryshimin e mbajtur nga Shqipëria në mbledhjen e 21 dhjetorit 2017 në OKB.

Ndërkohë, një pikë tjetër e rendit të ditës është edhe projektligji për statusin e minatorit dhe projektligji për menaxhimin e integruar të burimeve ujore.

Dy pika të tjera janë ato që parashikojnë votimin e listës së kandidatëve të Këshillit të Lartë të Prokurorisë dhe të Këshillit të Lartë të Gjyqësorit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.