Seancë e jashtëzakonshme – Meta urdhëron mbledhjen e Kuvendit të hënën në orën 18:00
Kreu i Kuvendit i është përgjigjur kërkesës së Kryeministrit Rama për mbledhjen e jashtëzakonshme të parlamentit.
Kështu me urdhër të Kreut të Kuvendit do të kemi një seancë të jashtëzakonshme ditën e hënë më 22 maj në orën 18.00. Në rend të ditës do të jetë votimi i dekreti të presidentit për lirimin nga detyra të: Zëvendëskryeministrit, ministrit të Punëve të Brendshme, ministrit të Arsimit dhe Sportit, ministrit të Shëndetësisë, ministrit të Mirëqenies Sociale dhe Rinisë, ministrit të Financave, ministrit të Drejtësisë.
Gjithashtu kuvendi do të votojë edhe disa projektvendime: “Për lirimin nga detyra të Kryetarit të KQZ-së” dhe “Për emërimin e Kryetarit të KQZ-së. Projektvendime “Për lirimin nga detyra të një anëtari të KQZ-së” dhe “Për emërimin e një anëtari të KQZ-së.
Gjithashtu do të diskutohen: Projektvendim “Për një ndryshim të vendimit nr. 12/2017 “Për zgjatjen e afatit të veprimtarisë së Komisionit të Posaçëm të Reformës Zgjedhore”. Shqyrtimi dhe miratimi i paketës ligjore propozuar nga Komisioni i Posaçëm i Reformës Zgjedhore. Si dhe do të jetë në rend dite edhe projektvendim “Për caktimin e përfaqësuesve të pakicës parlamentare në komisionet Ad Hoc.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.