Seancë plenare pa asnjë projektligj? – Ja çfarë pritet të votojë sot Kuvendi
Seanca plenare e parashikuar për ditën e sotme në orën 10:00 do të përfundojë me miratimin e asnjë ligji të ri.
Në rendin e ditës, krahas procedurave standarde është parashikuar diskutimi i vetëm 4 projektvendimeve të Kuvendit, pavarësisht se ka disa projektligje ende pezull.
Programi parashikon votimin me shumicë të thjeshtë për projektvendimet e mëposhtme:
- “Për ngritjen e komisionit të posaçëm parlamentar për Reformën Zgjedhore”
- “Për ngritjen e nënkomisionit “Për diasporën dhe migracionin”
- “Për ngritjen e nënkomisionit “Për qeverisjen vendore”
- “Për caktimin e anëtarëve zëvendësues në komisionet e përhershme”
Seanca do të vijojë me njoftimin e ngritjes së grupeve të miqësisë, para se të kalojë në diskutime për çështje jashtë rendit të ditës.
Për të lexuar mbi projektligjet e mbetura “peng” nga legjislatura e kaluar, kliko këtu.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.