Sears shpall falimentimin – Gjiganti shitjeve me pakicë do mbyllë 142 dyqane dhe shesë aktivet
Gjiganti i shitjeve me pakicë në SHBA, Sears, ka shpallur falimentimin në nisje të kësaj jave dhe do të mbyllë më shumë se 142 dyqane, duke përfunduar aktivitetin 100-vjeçar të kompanisë që është përballur me sfida në epokën e blerjeve në internet. Falimentimi vjen pas rënies së të ardhurave në dekadën e fundit, mbylljes së qindrave dyqane dhe përpjekjeve të dështuara të kreut ekzekutiv Eddie Lampert për të ngritur kompaninë që bleu në vitin 2004.
Lampert kishte premtuar se do të rikthente popullaritetin e Sears, kur zotëronte ndërtesën më të mëdha në botë. Megjithatë, kompania nuk ka rezultuar në fitim që prej vitit 2011 dhe kritikët thonë se Lampert ka përkeqësuar shitësin me pakicë në vitet e fundit, pavarësisht se bleu aksionet e kompanisë dhe i ofroi hua. Kompania listonte 6.9 miliardë dollarë në aktive dhe 11.3 miliardë dollarë në pasive, në dokumentat e prezantuara në Gjykatën e Falimentimit të Shteteve të Bashkuara, në New York.
Sears deklaroi se do të shesë aktive dhe do të nisë mbylljen e 142 dyqaneve me pak përfitueshmëri deri në fund të vitit. Në përpjekje për të shmangur falimentimin në vitin e kaluar, Sears shiti markën e mjeteve mekanike, Craftsman ndaj Stanley Black & Decker për 900 milionë dollarë. Kompania nënshkroi gjithashtu një marrëveshje për të shitur pajisjet shtëpiake Kenmore në Amazon.com.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.