“Sektori i ujit u përkeqësua” – Shani: Vështirësi për të paguar faturat gjatë pandemisë. Kur do ketë 24 orë ujë Tirana

Gjendja në sektorin e ujit gjatë vitit 2020 u përkeqësua në drejtim të ujit pa të ardhura, normës së arkëtimit, mbulimit të furnizimit me ujë dhe mbulimit të kostove direkte të operimit dhe mirëmbajtjes. Gjatë raportimit në Komisionin parlamentar të Veprimtarive Prodhuese, kreu i Entit Rregullator të Ujit tha se kjo situatë erdhi si pasojë e COVID-19 dhe pamundësisë së familjeve për të paguar faturat e ujit.

Shani theksoi si domosdoshmëri studimin mbi familjet me ndihmë ekonomike  dhe ndikimin financiar te kompanitë e ujësjellës-kanalizimeve.

Kreu i ERRU-së iu përgjigj edhe interesit të deputetëve në lidhje me furnizimin 24 orë me ujë të kryeqytetit, duke parashikuar arritjen e këtij objektivi përpara fundit të vitit 2023.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.