Sekuestrohen 26 300 dollarë në Doganën e Rinasit – Policia arreston edhe një shtetas, do të kalonte kufirin me dokumente të falsifikuara
Strukturat e Antitrafikut të Doganës në bashkëpunim me Policinë kanë sekuestruar një shumë prej 26 300 dollarë të padeklaruara, ndërsa kanë proceduar penalisht dy shtetas të huaj. Këto të fudnit po tentonin të nxirrnin ato në mënyrë ilegale nga vendi ynë.
Kështu, shtetasit turk O.A 24 vjeç iu gjetën 14 000 dollarë, ndërsa shtetasit sirian me iniciale F.E 46 gjatë kontrollit fizik iu sekuestruan 12 300 dollarë.
Ndërkohë, në vijim të punës për parandalimin, evidentimin dhe goditjen e paligjshmërisë, Policia e Rinasi ka arrestuar një tjetër shtetas për tentativë të kalimit të kufirit me dokumente të falsifikuara.
Arrestimi i shtetasit S.H 26 vjeç, banues në Vlorë u krye gjatë kontrollit fizik ku policia i gjeti dhe i sekuestroi dy karta identiteti rumune të falsifikuara.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.