Senati miraton reformën e taksave – Seancë historike, tatimi për biznesit do të ulet në 20%, nga 35%
Donald Trump ka arritur të regjistrojë fitoren e tij të parë të madhe në një vit në krye të ekonomisë më të madhe të botës, ndërkohë që republikanët i`a dolën më në fund që të kalonin në senat reformën e taksave.
Ligji prej 500 faqesh, kaloi rreth orës 2 të mëngjesit me 51 vota pro dhe 49 kundër, pra një rezultat mjaft i ngushtë.
Deri në fund u duk sikur Trump do të pësonte një tjetër humbje. Kjo është reforma më drastike mbi taksat në shtetet e bashkuara që prej viteve `80.
Ligji do të duhet të përashtatet me atë të kongresit për t`u firmosur më pas nga Donald Trump, por praktikisht nuk ka më asnjë pengesë.
Seanca e së Premtes në senatin amerikan ka qënë një maratonë e vërtetë me amendemante të shtuara njëri pas tjetrit.
Për të shpjeguar më mirë tensionin dhe klimën mjafton të themi se një pjesë e madhe e amendamenteve të shtuara janë bërë me shkrim dore.
Ligji përkthehet në ulje të tatimit për sipërmarrjen nga 35 në 20% duke filluar prej vitit 2019.
Ulje të ndjeshme do të ketë edhe ndaj tatimit individual, por në mënyrë graduale.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.