Seuli në kaos – Shkarkohet presidentja, viktima dhe përplasje në shesh

Gjykata kushtetuese ka shkarkuar përfundimisht presidenten e vendit, nëpërmjet mekanizmit të impeachment (gjykimi të zyrtarëve të lartë të vendit), duke e cilësuar atë si ta paaftë për të drejtuar vendin, dhe duke i hapur rrugën përfundimisht procesit gjyqësor ndaj saj.

Gjykata kushtetuese vulos kështu vendimin e parlamentit te vendit, që e shkarkoi presidenten në muajin Dhjetor të vitit të kaluar. Me një votë unanime, të tetë anëtarët e gjykatës për herë të parë në historinë e vendit vendosën shkarkimin e kreut të shtetit.

Në vitin 2004, në një situatë të ngjashme, gjykata hodhi poshtë vendimin e parlamentit.

La Park, ish-presidente tashmë, është vënë në qendër të një skandali mjaft të gjerë politik dhe financiar, në të cilin është përfshirë edhe kompania më e madhe në vend, Samsung. Zëvendëspresidenti i Samsung e njëkohësisht drejtuesi real i kompanisë është nën arrest për të njëjtin skandal.

La Park akuzohet se ka marrë financime të paligjshme nga kompanitë më të mëdha në vend, përfshirë Samsung.

Në Seul ndërkohë, situata ka qenë e tensionuar gjatë të gjithë ditës, që në mbrëmjen e së Enjtes e deri në orët e para të mëngjesit të së Premtes, në pritje të vendimit të gjykatës kushtetuese.

Vendimi më pas çoi në degjenerimin e situatës. Dy protestues kanë mbetur të vdekur ndërkohë që qindra të tjerë janë plagosur.

Viktimat janë mbështetës të ish-presidentes. Zgjedhjet e parakohshme ndërkohë do të mbahen pas dy muajsh. Deri atëherë në krye të vendit do të komandojë zëvendës presidenti.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.