Sezoni i pushimeve/Ministria e Infrastrukturës iu bën thirrje emigrantëve: Kujdes në cilën kompani rezervoni biletat

Në prag të sezonit turistik, dhe gati në kohën kur emigrantëve kthen ne vendet e lindjes, Ministria e Infrastrukturës në Kosovë ka nisur një fushatë, nëpërmjet së cilës iu bën thirrje emigrantëve të bëjnë kujdes në rezervimin e biletave dhe kujt kompanie i drejtohen.

“Ministria e Infrastrukturës iu rikujton qytetarëve të Kosovës që udhëtojnë me aeroplan për Kosovë që të jenë të kujdesshëm gjatë blerjes së biletave të aeroplanit. Në rast se keni ndonjë dyshim, ju lutemi shikoni historinë e agjencisë turistike ose konsultohuni me qendrën për mbrojtjen e konsumatorit në vendin tuaj para se ta blini biletën. Për të parë listën e kompanive ajrore të miratuara për të fluturuar në Aeroportin e Prishtinës vizitoni faqen http://www.mi-ks.net/sq/aviacioni-civil”, thuhet në videon njoftuese.

Kësaj fushate i është bashkuar edhe ministri i Infrastrukturës, Pal Lekaj.

“Tani është koha e pushimeve dhe diaspora jonë i drejtohet vendlindjes, Kosovës. Për të gjithë ju të nderuar mërgimtarë, është e rëndësishme të keni kujdes se tek kush avio-kompani bëni rezervimin e biletave. Pushime të këndshme!”, shkruan në rrjetin social facebook.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.