Sfidat e qeverisë së re, Rama: Rritje ekonomike mbi 5% në 2019
Pas mbledhjes së dytë informale të qeverisë Rama II, kryeministri ka postuar një status në rrjetin social Facebook ku shprehet për janë gati për rrugëtimin e ri.”
Gati për të nisur rrugën e re. Lehtësim drastik i burokracisë për qytetarët dhe biznesin. Fuqizim i shërbimeve. Rritje ekonomike mbi 5% në 2019”.
Ndërsa referuar krijimit të super drejtorive si ajo e Doganave dhe e Hipotekave janë komentuar nga Kryeministri Rama se bëhen me të vetmin qëllim që të ofrojnë shërbim sa më cilësor për qytetarët.
Këtë deklarata Rama e ka bërë në një mëngjes pune me gazetarët nga Velipoja , ku është i pozicionuar sëbashku me kabinetin e tij qeveritar për të zhvilluar mbledhjen e dytë jo formale të qeverisë Rama 2.
Pika të tjera që ka prekur Rama në këtë bashkëbisedim kanë qenë turizmi, lufta kundër kanabisit, kalimi i strukturës së Emergjencave Civile në varësi të Ministrisë së Mbrojtjes por edhe rritja e pagave për mjekët që do të punojnë larg banesave të tyre.
Pas deklaratave të Ramës ka reaguar kreu i demokratëve Lulzim Basha i cili shkruan se :“Njeriu që për tre vjet mohoi problemin e drogës në Shqipëri, duke bekuar kthimin e saj në vendin kryesor të drogës në Europë, befas deklaroi se e paska zgjidhur këtë problem. Askush nuk është arrestuar, asnjë drejtues i trafikut nuk është zbuluar, asnjë organizatë trafikantësh nuk është goditur, asnjë rezultat konkret nuk ka patur në asnjë drejtim. Por kryeministri ka shpallur fitoren e luftës që nuk ka ndodhur. Tani që droga shqiptare dhe krimi i organizuar është kthyer në problem politik për qeveritë europiane dhe BE-në, duke rrezikuar integrimin e Shqipërisë dhe kthimin e vizave për shqiptarët, Edi Rama nuk e fsheh dot më, ndaj ka vendosur ta pranojë dhe menjëherë të shpallë fitoren e luftës imagjinare ndaj saj.”
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.