Shahini për universitetet – Ministria e Arsimit nxjerr urdhrin me 4 elementë për mbylljen e vitit akademik
Nëpërmjet një komunikimi të drejtpërdrejtë, Ministrja e Arsimit, Besa Shahini ka folur për arsimin e lartë.
Ajo është shprehur se pothuajse të gjitha universitetet e kanë kaluar mësimin online por jo të gjitha i janë përgjigjur thirrjes së bërë nga ministria.
Si rrjedhojë e situatës së krijuar vërehet nevoja për të kaluar kohë në universitete për studentët të cilët përfundojnë ciklin për shkak se disa lëndë kanë nevojë për leksione nga universitetet.
Zv ministri i arsimit Rrumbullaku ka pasur një bisedë me rektorët e universiteteve të cilët kanë rënë dakord për masat për përfundimin e vitit akademik.
Ministria e arsimit ka nxjerrë një urdhër që kërkon masa për mbylljen e universitetit duke u mbështetur në 4 elementë.
Mësimi online i ka vendosur në mënyrë të pabarabartë studentët dhe kërkohet kthimi në auditorë për 3 apo 4 javë.
Studentët të cilët nuk kanë përfunduar ciklin mund të kthehen në universitete në 25 gusht për një periudhë 3 apo 4 javore ndërsa provimet për këta studentë do të zhvillohen në tetor në mënyrë që të minimizohen kthimi masiv nëpër klasa.
Do të vendoset një rregullore për hyrje daljet në universitete nëse hapen gradualisht. Studentët në vit të parë mund të mos kthehen në universitet. Pyetjet për konviktet duhet të bëhen në stafin e konviktit dhe jo në ministrinë e arsimit.
Mësimi online do të vazhdojë siç është planifikuar, të gjithë studentëve ju është dërguar një sondazh për procesin e mësimit online dhe ministria e arsimit kërkon që të plotësohet nga të gjithë studentët për të parë situatën aktuale në lidhje me procesin mësimor.
Përfundimi i vitit akademik do të zgjatet deri në 2 javë ndërsa viti i ri akademik do të nisë në nëntor.
Universitet private janë para me mësimin online është shprehur Shahini, por gjithashtu edhe ato janë të detyruara të zbatojnë rregullat e distancimit.
Ministria e Arsimit u ka bërë thirrje të gjithë universiteteve që deri në datën 15 maj të dërgojnë planet e detajuara për kthimin në universitete, provimet dhe masat e marra për distancimin social.
Shahini ka njoftuar se subvencionet dhe bursat janë rritur dhe gjithashtu do të ketë lehtësime në tarifa.
Shahini i ka bërë thirrje të gjithë universiteteve që të bashkëpunojnë në mënyrë që të mbyllim këtë vit akademik.
Shahini ka ritheksuar se në Qershor të kthehen studentët që mbyllin studimet ndërsa vitet e mëparshme në Gusht.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.