SHBA autorizon pilulën e Pfizer -Trajtimi i parë kundër Covid-19 që përdoret në shtëpi

Shtetet e Bashkuara kanë autorizuar pilulën antivirale të Pfizer kundër Covid-19 për njerëzit e rrezikuar në moshë 12-vjeç e sipër, duke e bërë trajtimin e parë që merret nga shtëpia, dhe një mjet të rëndësishëm në luftën kundër Omicron.  Të dhëna nga provat klinike të Pfizer treguan se regjimi antiviral, Paxlovid, ishte 90% efektiv në parandalimin e shtrimit në spital dhe vdekjeve tek pacientët në rrezik të lartë të sëmundjes së ashpër. Të dhënat e fundit laboratorike sugjerojnë se ilaçi e ruan efektshmërinë kundër Omicron, sipas Pfizer.

Kompania theksoi se është gati të nisë dërgesat e menjëhershme në SHBA të trajtimit, që përfshin një ilaç të ri dhe një antiviral të vjetër që njihet si ritonavir.  Pfizer rriti projeksionet për prodhimin në vitin 2022 në 120 milionë kurse të trajtimit nga 80 milionë.   Vendimi i agjencisë në SHBA vjen ndërkohë që vendi lufton me rritjen e rasteve të nxitura nga Omicron, me presidentin Joe Biden që lajmëroi plane për më shumë vaksinime dhe qendra të testimit.  Kontrata e qeverisë amerikane për 10 milionë kurse të trajtimit të ilaçi të Pfizer tregon një çmim prej 530 dollarë për kurs.

Agjencia theksoi se ka autorizuar pilulën për përdorim emergjent për trajtimin e sëmundjes së lehtë dhe të mesme tek personat në moshë 12-vjeç e sipër,që janë në rrezik të progresit drejt sëmundjes së ashpër.  Ilaçi do të disponohet vetëm me recetë dhe duhet të nisë sa më shpejtë të jetë e mundur pas diagnoztikimit me Covid-19 dhe brenda 5 ditëve të shfaqjes së simptomave.  Ilaçi i dytë, ritonavir, njihet se ndërvepron me disa ilaçe të tjera me recetë.

Pfzier ka thënë se kjo është e manaxhueshme dhe sugjeroi se shumica e pacientëve do të mund të ulin dozën e mjekimeve të rjera, ndërsa trajtohen për Covid-19. Pilula rivale e Merck, që ndodhet nën rishikim të FDA, ka treguar efektshmëri shumë më të ulët krahasuar me Pfizër.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.