SHBA/ Bloomberg gati të kandidojë për zgjedhjet e vitit 2020
“Mirësevini në garën, @MikeBloomberg!”, Ka postuar në faqen e saj të twitter Elizabeth Warren, e cila do të jetë me shumë siguri tashmë rivalja e tij në garën për nominimin demokratik. Michael Bloomberg, 77 vjeç, duhet të paraqesë dokumentacionin për të kandiduar për zgjedhjet orët e ardhshme. Ai duhet ta bëjë këtë në shtetin e Alabamas ku 15 nëntori është afati i fundit për paraqitjen e kartave. Vendimi për të marrë pjesë ose jo ende nuk është marrë 100%, por paraqitja e dokumenteve i lejon atij të lërë ‘derën e hapur’.
Bloomberg është një nga burrat më të pasur të Amerikës me një pasuri prej 51 miliardë dollarësh, sipas Forbes. Ai nuk ka problemet që kanë kandidatët e tjerë në gjetjen e fondeve për fushatën zgjedhore, për të cilën ai tashmë ka planifikuar të shpenzojë mbi 100 milion dollarë. Për tre herë ishte kryetar i bashkisë së Nju Jorkut, së pari si republikan dhe më pas si i pavarur.
Ai mori kartën e demokratëve pas një viti të presidencës së Trump, një muaj para fitores së demokratëve në zgjedhjet afatmesme për rinovimin e Kongresit, dhe ishte ndër financuesit kryesorë të fushatës. Sezoni kryesor demokratik do të fillojë në 3 shkurt me grupin shtetit të Iowa e më pas në Kaliforni. Dhe pikërisht nga ky moment do të mund të kuptoni se kush do ta sfidojë Trump në vitin 2020. (ilsole24ore)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.