SHBA dhe Kina “thellojnë” luftën tregtare- Tarifat e mallrave shkojnë në miliarda

Shtetet e Bashkuara dhe Kina imponuan rritje më të madhe të tarifave të makinave të njëri-tjetrit, makinerive të fabrikës dhe mallrave të tjera. Kjo, në kuadër të një beteje mbi politikën e teknologjisë së Pekinit që kompanitë shqetësohen se do të ngrijë rritjen ekonomike globale.Rritjet erdhën pasi ambasadorët u takuan në Uashington për herë të parë pas dy muajsh. Nuk pati asnjë zgjidhje në lidhje me ankesat e SHBA-së se Pekini vjedh teknologjinë dhe planet e saj të zhvillimit të industrisë shkelin angazhimet kineze të tregtisë së lirë.

Detyrimet në 25 për qind, të shpallura më parë, zbatohen për 16 miliardë dollarë mallra nga secila anë, duke përfshirë automobila dhe skrape metalike nga Shtetet e Bashkuara si  edhe makineritë e fabrikave kineze dhe komponentët elektronikë.Në raundin e parë të rritjes së tarifave, Presidenti i SHBA Donald Trump imponoi 25 për qind të detyrimeve në 34 miliardë dollarë të importeve kineze më 6 korrik. Pekini u përgjigj me dënime të ngjashme me të njëjtën sasi të mallrave amerikane.Gjithashtu, Pekini i ka hedhur poshtë kërkesat e SHBA për të ulur planet për zhvillimin e teknologjisë. Pa asnjë zgjidhje në horizont, ekonomistët paralajmërojnë se konflikti mund të përhapet dhe të trokas deri në 0.5 pikë përqindjeje nga rritja ekonomike globale deri në vitin 2020.

Trump ka propozuar  një rritje tjetër të mundshme të tarifave që imponon rritje prej 25 për qind në një shtesë prej 200 miliardë dollarësh të mallrave kineze. Pekini bëri gati ​​një listë prej 60 miliardë dollarësh të importeve amerikane për hakmarrje nëse Uashingtoni ecën përpara me këtë. Importet e Kinës nga Shtetet e Bashkuara vitin e kaluar arritën rreth 130 miliardë dollarë. Kjo lë rreth 20 miliardë dollarë shtesë pasi tarifat tashmë janë imponuar ose planifikuar në një total prej 110 miliardë dollarësh.

Autoritetet kineze kanë thënë se do të marrin “masa gjithëpërfshirëse”, të cilat kompanitë shqetësohen se mund të nënkuptojë marrjen e masave ndoshta edhe për ndërprerje të bizneseve amerikane në Kinë.

e.t/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.