SHBA do të nisë javën e ardhshme Dëgjimin Publik rreth tarifave të reja me Kinën
Zyra e Përfaqësuesve të Tregtisë të SHBA të hënën do të nisë shtatë ditë me dëgjimin e dëshmive nga shitësit, prodhuesit dhe bizneset e tjera amerikane rreth planit të presidentit Donald Trump për të goditur me një tjetër tarifë për 300 miliardë dollarë mallrash kineze. Seancat që fillojnë të hënën do të përfundojnë më 25 qershor, tha USTR në një deklaratë të premten. Ky afat do të thotë që Trump nuk do të jetë në gjendje të realizojë planin e tij të tarifave deri pas 2 korrikut, datën në të cilën mbaron periudha e kundërshtimit shtatë-ditor.
Marrëdhëniet e SHBA-Kinë janë përkeqësuar që kur Trump akuzoi Pekinin në fillim të majit që nuk po angazhohej të ndryshonte metodat e tij të punës me pjesën tjetër të botës. Që atëherë, Trump ngriti tarifat në 25% në 200 miliardë dollarë mallra kineze dhe urdhëroi përfaqësuesin e tij të tregtisë për të përgatitur tarifat në një tjetër 300 miliardë dollarë, duke mbuluar pothuajse të gjitha eksportet kineze në Shtetet e Bashkuara. Trump ka thënë se dëshiron të takohet me Presidentin kinez Xi Jinping gjatë 28-29 qershorit në Samitin e G20 në Japoni, por qeveria nuk ka konfirmuar zyrtarisht një takim.
Tarifat e propozuara në një tjetër 300 miliardë dollarë janë një “reagim i mëtejshëm ndaj praktikave të padrejta të Kinës lidhur me transferimin e teknologjisë, pronësinë intelektuale dhe inovacionin”, tha USTR në deklaratën e tij të premten. Tarifat do të godasin rëndë mallrat e konsumit, duke përfshirë celularët, kompjuterët laptopë, lodrat, video-lojërat, televizorët, veshjet dhe këpucët. Lista e më shumë se 300 dëshmitarëve të programuar përfshin përfaqësuesit dhe shitësit me pakicë Best Buy, krijuesit e lojërave Hasbro Inc, krijuesit të rubinetave Moen dhe firma të tjera e grupe tregtare të një gamë të larmishme të industrive.
Burimi: Reuters
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.