Shba-Kinë pranë marrëveshjes – Gati faza e parë, do nënshkruhet në Kili mes dy presidentëve në Nëntor
Zyrtarët kinezë dhe amerikanë janë shumë pranë finalizimit të fazës së parë të marrëveshjes tregtare mes dy vendeve, pas telefonatës së nivelit të lartë ditën e Premte, thanë autoritetet e të dy vendeve, duke mos dhënë më shumë detaje në lidhje me këtë çështje.
Washingtoni dhe Pekini po punojnë për tekstin e fazës së parë të marrëveshjes tregtare, e njoftuar nga Presidenti Trump më 11 Tetor. Sipas tij, shpresat janë për të nënshkruar marrëveshjen me homologun kinez në Kili muajin e ardhshëm.
Produktet agro-bujqësore janë fokusi kryesor i fazës së parë të kësaj marrëveshje. Kështu, dy ekonomitë më të mëdha të botës janë duke punuar për t`i dhënë fund një lufte 16-mujore që ka shkaktuar tensione në çdo cep të globit, si dhe duke i dhënë një goditje të fortë ekonomisë globale.
Më herët gjatë muajit presidenti Trump anuloi rritjen e radhës së tarifave doganore, në pritje të kësaj marrëveshje.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.