SHBA mbron Apple – Kërkon të ndërhyjë te gjoba e vendosur nga BE
Qeveria e Shteteve të Bashkuara kërkon të ndërhyjë në çështjen e Apple me Bashkimin Europian, që i kërkon kompanisë të paguajë mbi 13 miliardë euro për shmangie të taksave në Irlandë, tregojnë burime konfidenciale.
Prodhuesi i iPhone, e çoi çështjen në Gjykatën e Përgjithshme të Luksemburgut në muajin Dhjetor, pas vendimit të Komisionit Europian për pagesën e kësaj shume rekord, duke thënë se kompania amerikane ka përfituar lehtësime tatimore nga Qeveria irlandeze, që janë në shkelje të ligjit.
Vendimi u kritikua nga administrata Obama, që deklaroi se Bashkimi Europian po përpiqet të përfitojë paranë që duhet të shkonte në SHBA.
Adminsitrata e Donald Trump, që ka propozuar një ulje tatimore për fitimet e korporatave prej 2.6 trilionë dollarë që mbahen jashtë vendit, nuk ka bërë komente publikisht mbi çështjen.
Burimet tregojnë se Shtetet e Bashkuara kanë paraqitur një kërkesë të Gjykata e Përgjithshme e Bashkimit Europian për të ndërhyrë në rastin që përfshin aplikimin retroaktiv të rregullave të ndihmës shtetërore drejt Apple.
Gjykata e përgjithshme pritet të dëgjojë rastin në fund të 2018-ës, tregojnë burimet. Apple ka deklaruar se autoriteti i konkurrencës i Bashkimit Europian ka përdorur një teori “absurde” për të arritur në shumën ndëshkuese.
Amazon dhe McDonald’s janë gjithashtu në mbikëqyrjen e Bashkimit Europian mbi marrëveshjet tatimore.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.