SHBA miraton ilaçin për Alzheimer – Pritet si një “ditë e madhe” për pacientët. Aksionet e Biogen, në rritje
Rregullatorët amerikanë kanë miratuar ilaçin aducanumab të Biogen si trajtimin e parë për të sulmuar një shkakëtar të mundshëm të sëmundjes Alzheimer, pavarësisht kritikave mbi provat klinike dhe efikasitetit të ilaçit. Biogen bëri të ditur se ilaçi, që do shitet me emrin Aduhelm, do ketë një çmim prej 56,000 dollarën ë vit. Aksionet e kompanisë, pasi u rritën me mbi 50%, e mbyllën tregtinë ë 38% rritje, që është niveli më i lartë i mbylljes në mbi 6 vite.
Aducanumab funksionon duke hequr depozitat e ngjitshme të një proteine të quajtur “amyloid beta” nga truri i pacientëve në fazat e hershme të Alzheimer, në mënyrë që të parandalojë efektet rrënuese, si humbja e memorjes dhe e aftësisë për t’u kujdesur për veten. “Kjo përbën lajm të mirë për pacientët me sëmundjen e Alzheimer-it. Nuk kemi pasur deri më tani ndonjë terapi të modifikimit të sëmundjeve”- tha Dr. Ronald Petersen, një ekspert i sëmundjes së Alzheimer tek Mayo Clinic. Megjithatë, ai paralajmëroi se “kjo nuk është një kurë, por që shpresohet që të ngadalësojë progresionin e sëmundjes”.
“Mendoj që është ditë e madhe, por nuk mund të premtojmë më shumë se ç’duhet”- tha Peterson. Alzheimer është shkaku i 6 kryesor i vdekjeve në SHBA. Administrata e Barnave dhe Ushqimeve theksoi në faqen në web se rezultatet nga provat klinike të Aduhelm ishin mikse, por ilaçi ka treguar se redukton pllakat e proteinës “amyloid beta” në tru, që me shumë mundësi do jetë përfituese për pacientët. Ilaçi i Biogen është mirëpritur nga mbështetësit e pacientëve dhe disa neurologë që mezi presin një opsion efektiv për pacientët me sëmundjen vdekjeprurëse. Mjekë të tjerë thonë se provat klinike ishin të paqarta dhe duhen më shumë prova. “Është e vështirë të gjesh një shkencëtar, madje edhe një që ka lidhje me kompaninë prodhuese, që mendon se provat në total janë bindëse”- tha Dr Caleb Alexander, hulumtues i barnave tek John Hopkins.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.