SHBA, ndihmë vendeve për mallrat ruse – “Rusisë nuk i ndalohet të eksportojë ushqime dhe drithëra jashtë vendit”

Vendet duhet të kërkojnë ndihmën e Shteteve të Bashkuara të Amerikës nëse kanë probleme me importimin e ushqimeve dhe fertilizuesve nga Rusia. Deklarata u bë nga një zyrtar i lartë amerikan, i cili theksoi se këto produkte nuk ishin subjekt i sanksioneve amerikane ndaj Moskës për shkak të luftës në Ukrainë.

Sekretari i departamenti amerikan të Ekonomisë u shpreh se asgjë nuk e ndalon Rusinë që të eksportojë drithëra apo fertilizues por kjo ndodh për shkak të ashtuquajturës pajtueshmëri me sanksionet. Uashingtoni ka vendosur një seri sanksionesh ndaj Rusisë që nga pushtimi i Ukrainës në 24 shkurt.

Lehtësimi i eksporteve të ushqimeve dhe drithërave ruse është një nga pikat kyce të përpjekjeve nga ana e Kombeve të Bashkuara dhe zyrtarëve turq për të arritur një marrëveshje me Moskën, e cila do të lejonte dhe daljen nga porti i Odesës në Detin e Zi, të anijeve ukrainase me grurë

Javët e ardhshme pritet një takim me zyrtarëve nga Rusia, Ukraina, Turqia dhe Kombet e Bashkuara në Stamboll.

Lufta e Rusisë ka shkaktuar një krizë globale ushqimi, duke qenë se ajo dhe Ukraina përbëjnë një të tretën e furnizimit global me grurë. Ndërsa Rusia është gjithashtu një eksportuese shumë e rëndësishme fertilizuesish, ndërsa Ukraina e misrit dhe valit të lulediellit.

Moska mohon përgjegjësitë për krizën ushqimore duke fajësuar sanksionet perëndimore dhe Ukrainën për vendosjen e minave në portet e Detit të Zi.

Shtetet e Bashkuara të Amerikës garantojnë se nuk do të ndalojnë vendet dhe kompanitë që të blejnë ushqime dhe fertilizues nga Rusia, dhe as nuk do të bllokojnë qasjen e këtyre produkteve në tregjet ndërkombëtare.

Në këtë mënyrë të gjitha vendeve që kanë probkleme me eksportin e këtyre produkteve iu kërkohet që të kontaktojnë me Departamentin amerikan të Thesarit apo me ambasadat amerikane në vendet e tyre.

Sekretari amerikan i shtetit Entoni Blinken do të marrë pjesë në një takim për sigurinë ushqimore në Gjermani, në program për të premten, para samitit tre ditor të G7-ës po në Gjermani, që do të nisë të dielën.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.