SHBA, në mbështetje të turizmit Kim nga Lezha: Kemi dhënë 1.8 mln dollarë për zhvillimin e sektorit
Ministri i Turizmit dhe Mjedisit, Blendi Klosi, së bashku me ambasadoren e SHBA në Tiranë, Juri Kim, janë ndalur në lagunën e Kune-Vain në Lezhë ku kanë dhënë mesazhe lidhur me ruajtjen e mjedisit dhe bukurive të natyrës. Në konferencën për shtyp, Klosi u ndal te rëndësia krahas ruajtjes së mjedisit dhe ofrimit të infrastrukturës në zonat turistike për ti bërë ato të shfrytëzueshme.
Infrastrukrura tashmë nuk ka një dilemë, rruga është shumë e bukur. Afërsia me këtë bukuri të mëdha të natyrës është e jashtëzakonshme, po a do të jemi ne të aftë si administratë. Si shtet si shoqëri që të mbrojmë këtë zonë dhe t’i kthejmë ast”.
Ambasadorja Yuri Kim e ka quajtur turizmin në Shqipëri një thesar, teksa u shpreh optimiste për përshtatjen e turizmit me situatën e pandemisë. Kim u ndal edhe te mbështetja e SHBA për turizmin duke shtuar se ndihmat e dhëna kapin shifrën prej 1.8 mln dollarë.
Mbrojtja e mjedisit fillon me pastrimin e tij. Jam e kënaqur që nuk jemi përgjegjës vetëm për mbeturinat por edhe për pastrimin e mbeturinave të të tjerëve. Kur mbledh mbeturinat që krijoj është përgjegjshmëri. Por nëse mbledh mbeturinat e të tjerëve pasi dua zgjidhje të problemit është akt inteligjence, zgjuarsi por edhe zgjidhje të tij. SHBA kanë dhënë ndihma rreth 1.8 milionë dollarë që kanë ndihmuar industrinë e turizmit, veçanërisht për mjedisin. SHBA janë me ju. Pres me kënaqësi të përveshim mëngët me ju që jeni këtu, që jepni zgjidhje dhe duan të pastrojnë Shqipërinë”- tha Kim.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.