SHBA- Protestat në statistika / Vetëm mbrëmë, 2 protestues të vrarë dhe 5 policë të qëlluar

Të paktën dy protestues dhe pesë policë u pushkatuan të hënën në mbrëmje, episode të dhunshme që erdhën ndërsa protestat e zemëruara vazhduan në të gjithë SHBA, pas vdekjes së George Floyd.

Të dy vdekjet ishin në periferinë e Çikagos në Cicero. Një zyrtar konfirmoi të hënën natën se ata u vranë, por nuk ofroi më shumë detaje.

Zyrtari tha se 60 persona në qytet ishin arrestuar, sipas Associated Press.

Gjatë natës, qindra njerëz janë arrestuar, duke sjellë numrin aktual të të arrestuarve rreth 5.600 që nga fillimi i protestave, njoftoi AP.

Në Qarkun St Louis, Misuri, katër oficerë policie u qëlluan, sipas një deklarate të Departamentit të Policisë së Qarkut.

Plagët e katër oficerëve thuhej se nuk ishin kërcënuese për jetën. Ata u goditën pasi protestues të dhunshëm prishën një tubim paqësor, sipas departamentit.

Një oficer policie në Las Vegas u qëllua gjithashtu gjatë protestave atje.

Filiali CBS KLAS-TV raportoi se oficeri ishte qëlluar në kokë në Hotel Circus Circus & Casino në Las Vegas. Sipas kanalit, gjendja e oficerit ishte e panjohur.

Që nga fillimi i tyre, protestat që zhvillohen me arsyetimin për t’i dhënë fund racizmit, janë shoqëruar me epsiode dhune nga aktivistët dhe nga policia.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.