SHBA regjistron më shumë raste të COVID-19 se në të gjithë botën, por ekspertët thonë se është vetëm fillimi i betejës!
Tani SHBA ka tejkaluar edhe Kinën me Italinë, dy vende të goditura fort nga Koronavirusi, me të paktën 82.100 raste të raportuara, por disa zyrtarë dhe ekspertë të shëndetit thonë se është ende fillimi.
“Ne jemi përpara një rruge shumë të vështirë për 12-18 muajt e ardhshëm,” tha Dr. Ashish Jha, drejtori i Institutit Shëndetësor Global të Harvardit. “Nëse jemi agresivë tani për të ndaluar gjërat, mbylljen, ndërtimin, atëherë mund të hapemi përsëri …. dhe shumica e vendeve mund të kthehen në punë”. “Por vetëm kur të jemi gati. Dhe për momentin nuk jemi gjekundi afër”, tha ai.
Kur Presidenti Donald Trump tha se shpreson që Amerikanët të kthehen në punë deri në Pashkë, ai po bënte një “projektim aspirativ”, tha Anthony Fauci, një nga zyrtarët më të lartë shëndetësorë të vendit. “Ai duhet të na dëgjojë kur themi se me të vërtetë duhet të rivlerësojmë situatën, në kohë reale dhe çdo vendim që marrim duhet të bazohet në të dhënat,” tha Fauci.
Por me kalimin e ditëve, numri i rasteve të raportuara në të gjithë vendin vazhdon të rritet shumë – veçanërisht në zona si New York dhe California, ku zyrtarët kanë rritur testimet, duke shërbyer mijëra banorë në ditë. Një javë më parë, SHBA kishte rreth 18.200 raste dhe 241 vdekje. Që nga mëngjesi i së Premtes, CNN’s shtoi deri në të paktën 82.100 raste dhe 1,195 vdekje.
Pak më pak se gjysma e rasteve të vendit janë akoma në New York, ku 385 njerëz kanë vdekur dhe spitalet janë të mbingarkuar, me mungesë të theksuar stafi dhe pajisjesh.
Por ekspertët thonë se zona të tjera në vend janë duke parë një rritje të rasteve cka është një fakt shumë shqetësues. “Për momentin, çfarë po ndodh në Nw Jork, në Kaliforni, në shtetin Uashington, do të ndodhi edhe në Luiziana, në Florida, në Arizona”, tha Jha , duke shtuar gjithashtu Dallas, Texas, në listë. “Ka shumë vende që vijnë për të cilat jam shumë i shqetësuar.” Por, thotë ai, çelësi për t’i dhënë fund betejës kundër virusit është gjurmimi i kontaktit, ku studiuesit zbulojnë të gjithë njerëzit që një person i infektuar mund të ketë qenë në kontakt për të evituar përhapjen e virusit edhe më tej. (CNN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.