SHBA-Shqipëri, 30 vjet së bashku. Yuri Kim: “Shqipëria është një nga aleatët e palëkundur të SHBA”
Data 15 mars shënon edhe momentin e rivendosjes së marrëdhënieve diplomatike mes Shqipërisë dhe Shteteve të Bashkuara të amerikës. Për të përkujtuar këtë datë të rëndësishme, ministrja e jashtëme Olta Xhaçka dhe Ambasadorja Amerikane në Tiranë, Yuri Kim kanë mbajtur një konferencë për mediat duke folur për vendojes e raporteve dhe me tej konsolidimin. Ambasadorja Kim tha se Shqipëria në 30 vite ka bërë progress të jashtëzakonshëm, dhe është një nga aleatët e palëkundur të SHBA.
Yuri Kim Ambasadorja e SHBA
Sot shënojmë një moment shumë të rëndësishëm, 30 vjetorin e rivendosjes së lidhjes me SHBA dhe BE-së. Do kemi një sërë aktivitetesh për të festuar këtë përvjetor. Ky vend dikur njihej si Koreja e Veriut të Europës, sot jeni shndërruar në një aleate të palëkundur të SHBA, 30 vjet më parë populli shqiptar u çlirua nga zinxhiri i diktaturës dhe SHBA kapën me krenari dorën shqiptare që ishte zgjatur drejt saj lirisht. Është një kënaqësi të shihja ekspozitën parë se si i vendosëm marrëdhëniet demokratike dhe kemi qenë kaq të kënaqur që mirëpritëm Shqipërinë dhe presim ditën kur ju të integroheni në BE-së. Jemi duke transformuar pranin e USAID në atë që është përcaktuar më shumë nga partneriteti. SHBA i ka ofruar Shqipërisë 1.1 mld dollarë ndihma që e kemi përdorur për sfida të ndryshme, si pjesë e këtij kontributi kemi mbështetur reforma të rëndësishme dhe do vijojmë ta bëjmë këtë. Sot Shqipëria është në prag të anëtarësimit në BE dhe ne jemi krenar që t’ju mbështesin. Shqipëria ka bërë përparësi të reformave, s’ka qenë e lehtë, por ju keni bërë punën e madhe. Presim me kënaqësi që t’ju mbështesin, angazhimi ynë mishërohet në aleancën e NATO-S”, tha Kim në pritjen e organizuar nga Ministria e Jashtme.
Ndërsa Ministrja Xhaçka tha se SHBA janë aleati kryesor i Shqipërisë duke ndihmuar në ecjen e reformave dhe zhvillimin e vendit.
“Kjo është një datë shumë e rëndësishme për vendet tona, por kjo është një datë shumë e rëndësishme edhe në një nivel njerëzor, jo vetëm për mua, por për dhjetëra mijëra shqiptarë
Në fakt jo vetëm mbrojtja, por mbarë transformimi demokratik i Shqipërisë dhe rrugëtimi i saj drejt anëtarësimit në Bashkimin Evropian i detyrohet shumë mbështetjes amerikane. Reforma në drejtësi do të kishte qenë shumë herë më e vështirë pa këtë mbështetje. Mjafton të shohësh rezistencën që i ka bërë asaj fronti anti-reformë, mjafton të shohësh sesi lufton ky front edhe sot duke i parë zgjedhjet e 25 prillit si mundësinë e fundit për ta zhbërë reformën në drejtësi, për ta kuptuar sa jetike ka qenë kjo ndihmë.”
Pas vendosjes së rregjimit komunist në vitin 1945 Shqipëria dhe SHBA për 52 vite ndërprenë marrëdheniet diplomatike për ti rivendosur në 15 mars 1990.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.