Shembet Ura e Tapizës! Trafiku devijohet për 10 muaj

Duke nisur nga dita e djeshme është devijuar qarkullimi i automjeteve nga Ura e tapizës e cila i është nënshtruar rikonstruksionit. Ministria e Infrastrukturës njofton se ka nisur puna për shembjen e urës së vjetër e cila ishte amortizuar ndjeshëm. Ura e re do të ndërtohet sipas parametrave të sigurisë rrugore.  Në nisjen e punimeve morën pjesë edhe ministrja e Infrastrukturës Belinda Balluku dhe Drejtori ARRSH, Ergys Verdho.

Punimet për këtë objekt kanë nisur në muajin dhjetor 2020. Fillimisht është ndërtuar bypassi provizor, nëpër të cilin do të kalojë trafiku gjatë muajve që do të ndërtohet ura e re. Punimet parashikohet të zgjasin 10 muaj.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.