Shëndetësia, 4.5 miliardë lekë PPP për 2020-ën – Manastirliu: ”Nis dhe koncesioni i laboratorëve, investime në 18 spitale”

4.5 miliardë lekë do i kushtojnë buxhetit të shtetit 4 kontratat e partneriteti publik privat në sektorin shëndetësor për vitin 2020. Gjatë raportimit në Komisionit parlamentar të Ekonomisë, ministrja Ogerta Manastirliu tha se vitin që vjen është garantuar financimi për kontratat e check-up, hemodialozës, sterilizimit të instrumenteve kirurgjikalë, si dhe PPP-së së laboratorëve që do të nisë zbatimin gjatë 2020-ës.

Po ashtu, Manastirliu deklaroi se vitin që vjen do të vazhdojë programi për rikonstruksionin e qendrave shëndetësore, duke garantuar financimin për 120 institucione të sistemit shëndetësor parësor.

Buxheti i Ministrisë së Shëndetësisë për vitin e ardhshëm është 77,5 miliardë lekë rritje me 4% në raport me 2019.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.