“Shëndetësia dhe ekonomia në emergjencë”, Basha: Qeveria t’i ofrojë qytetarëve shërbimet për të cilat kanë paguar taksat
Numri i ulët i testimeve ka sjell përhapje të infektimeve, për këtë, Kreu i PD Lulzim Basha akuzon kryeministrin sipas të cilit vazhdon të vjedh paratë e qytetrëve duke mos paguar kategorite që kanë nëevojë , sipas Bashës është koha që shqiptaret të marrin si shërbime mbrapsht nga taksat që kanë paguar
“Jemi në emergjencë jetë apo vdekje. Jemi në një emergjencë shëndetësore. Mos e lejoni propagandën e shfrenuar të një njeriu të kapur me presh në duar së bashku me mafien e plehrave të dominojë. Duhet që shqiptarët si çdo vend tjetër në Ballkan jo në Europë të marrin mbrapsht si shërbime, paratë e taksave që kanë paguar kokërr më kokërr dhe jo që këta para tu vidhen në kohë pandemie nga mafie e plehrave me në krye kryeministrin e vendit.”
Lidhur me deklaratën e Ministres së Shëndetësisë për përzgjedhjen e atyre qe do te trajtohen, Basha e quajti krim ndaj qytetarëve, situatë e cila erdhi pas vjedhjes së taksave
“Krim më të rëndë se ky a mund të ketë ndaj qytetarëve. Taksat iu ka marrë ,faturat ia vjel, paratë i çon te mafia e plehrave dhe pastaj thotë do vendos kush do marrë trajtim dhe kush jo, me fjalë të tjera kush do jetojë dhe kush do vdesë. Jo sepse nuk ka para, por sepse paratë e tuaja të dashur qytetarë i ka marrë dhe i ka çuar te mafia e plehrave. ”
Kreu i PD i bëri thirrje qeverisë për të mos humbur më kohë por të marrë masa për rritjen e testimeve duke zbatuar hapat e propozuar nga PD.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.